Аж үйлдвэр, Эрдэс баялгийн сайд Ц.Туваан, "Эрдэнэс Монгол" нэгдэл, Монросцветмет ТӨҮГ-ын удирдлага, мэргэжлийн баг "Бор Өндөр" Уулын баяжуулах үйлдвэрт ажиллалаа.

Л.Оюун-Эрдэнийн тэргүүлж буй Хамтарсан Засгийн газрын хэрэгжүүлэх 14 мега төсөлд 6 Үйлдвэрлэл технологийн парк байгуулах ажил туссан.Үүний нэг нь "Бор Өндөр" Уулын баяжуулах үйлдвэрийг түшиглэн байгуулагдах үйлдвэрлэл технологийн парк - Жонш, цахиур боловсруулах цогцолбор юм.

Энэхүү парк нь жоншийг гүн боловсруулж эцсийн бүтээгдэхүүн болгон экспортлох зорилготой.Одоогийн байдлаар Ерөнхий төлөвлөлт, газрын асуудлыг шийдвэрлэсэн. 2028 ондоо багтаан ашиглалтад оруулахаар төлөвлөөд байна.Үр дүнд 2500 гаруй ажлын байр бий болохоос эхлээд бүс нутгийн хэмжээнд ДНБ өснө. Манай улс хэрэглэгч биш үйлдвэрлэгч, импортлогч биш экспортлогч улс болоход чухал ач холбогдол үзүүлнэ.