УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн С.Чинзориг:

“Л.Халтар сайд мэдэж байгаа. Өвөрхангай аймгийн Улаанбаатар-Арвайхээрийн 60км автозамын асуудал. АХБ-ны зээлээр баригдахаар шийдэгдсэн. Сая УИХ-ын сонгуулийн үеэр гишүүд нь тавьтчихгүй яасан юм гэж их яригдсан. Та шав нь тавигдчихна гээд байсан тавиагүй. Шадийг нь хэзээ тавих вэ? гүйцэтгэгчийг сонгоод энэ замыг энэ онд дуусгах хэрэгтэй байна. Тойргийн гишүүд таны чихнээс хонх уясаар байх болно.

Н.Тавинбэх сайдад хэлэхэд 2010 оноос эхлэн Өвөрхангай аймгийг дулааны цахилгаан станцтай болгох гэж ярьж байгаа юм. 2018 онд Ерөнхий сайд БНСУ-д хийсэн айлчлалын үеэр хөрөнгийн асуудал шийдэгдсэн. Одоо тендер зарлагдаж байгаа Үүнийг түргэвчлэх, 4 жилийн хугацаанд ашиглалтад оруулах хэрэгтэй байна.

Б.Мөнхбаатар сайдад нэг зүйл хэлэхэд, сумдыг инженерийн бүтэцтэй цэвэрлэх байгууламжтай болгох чиглэлд анхаарна уу? Ипотекийн зээл, түрээсийн орон сууцны хүртээмжийг орон нутагруу чиглүүлмээр байна. Хөдөө орон нутагт олдохгүй байгаа тухай иргэд ярьж байна.

З.Мэндсайхан сайдад хэлэхэд, бэлчээрийн менежментийг сайжруулах, боловсронгуйболгох чиглэлд онцгой анхаармаар байна. Бид хэдий болтол тэнгэр дэлхийг харж амьдрах вэ? хэдэн малчид цаг агаарын хүнд нөхцөлд малаа, амьдралаа авч явах гэж зүдэрч байна. 2019 онд Өвөрхангай аймгаас 2000 гаруй малчид бусад аймагт отроор өвөлжиж, хаваржиж, хөөгдөж туугдаж явна. Одоо ч сайхан зуншлага болоогүй байна. Энэ янзаараа өвөлжилт хүндэрхээр байна. Тиймээс эртхэн бэлчээрийн асуудлыг сайжруулмаар байна.

Мөн малчдыг байгалийн гамшиг, эрсдлийг даван туулах чадвартай болгомоор байна. Хэдэн малчид улаан нүүрээрээ л даван туулж байна. Сум бүрийг хадлан тэжээлийн нөөцтэй болгох тал дээр анхаараарай. Малчдын хөдөлмөрийг механикжуулж хөнгөвчилөх чиглэлд анхаарч ажиллаарай. Ажмилт хүсье.”